«док-1 макс» тегли мақолалар
«Дорисиз жаннатларга кетган болалар». «Док-1 Макс» иши қурбонлари хотирасига бағишланади
«Док-1 Макс» иши — Ўзбекистонни ларзага солган ҳодиса. Унинг асоратлари дори-дармон, тиббиёт, ҳуқуқ-тартибот каби соҳалар учун ҳам оғир синов бўлди. Фожиага икки йил тўлиши муносабати билан «Газета.uz» шу дорилар сабаб вафот этган 68 боланинг сўнгги кунларини ёдга олади — улар унутилмаслиги керак.
Аксарининг кўзи кўрмайди, қулоғи эшитмайди, юролмайди. Cоғайишига умид бор, фақат маблағ зарур — «Док-1 Макс» сабаб ногирон бўлиб қолган болалар
«Док-1 Макс» иши сабаб 68 бола ҳалок бўлгани кўпчиликка маълуму, омон қолган 20 дан зиёд бола тақдири кўпинча эътибордан четда қолади. Уларнинг даволаниши учун суд ҳукмида белгиланган компенсация имкон қадар тезроқ тўлаб берилиши керак. «Газета.uz» жабрланувчи 23 боланинг ҳикоясини ҳавола қилади.
«Док-1 Макс» иши: Ногирон бўлиб қолган болалар сони расман 23 нафарга етди
«Док-1 Макс» иши жабрланувчиларининг ҳолати бўйича қўшимча тергов олиб борилган ва уларнинг масаласи алоҳида судда кўрилаётган эди. Ноябрда суд ҳукми эълон қилинди. Жабрланувчилар рўйхатига яна беш бола қўшилди. Уларнинг ҳар бири учун 1 млрд сўмдан компенсация ундирилиши белгиланган.
«Суд жараёнларининг ёритилиши аҳолининг ишончини оширади» — жиноят ишлари бўйича судья
«Газета.uz» суд жараёнларини ёритишда бир неча бор тўсиқларга дуч келган. Биз жиноят ишлари бўйича судья Сарвар Мамадиев билан журналистларнинг суд залида бўлиши қоидалари, жараёнларни ёритишга қўйиладиган тақиқ сабаблари ҳақида суҳбатлашдик ва таҳририят дуч келган ҳолатларни муҳокама қилдик.
«Док-1 Макс» иши бўйича 21 июндаги апелляция суди тафсилотлари
«Док-1 Макс» иши бўйича апелляция суди музокарага киришди. Бир неча адвокат ҳимояси остидаги судланувчиларга оқлов сўради. 20 нафар жабрланувчи товон пули тўланса, даъвосидан воз кечиш ҳамда Сардор Кариев ва бошқа судланувчиларнинг озод этилишига қарши эмаслигини билдирди. «Газета.uz» стенограммаси.
«Ҳиндистоннинг барча дориларига нисбатан импорт чеклови ўрнатиш керак». «Док-1 Макс» иши бўйича 7 июндаги апелляция суди тафсилотлари
«Док-1 Макс» иши бўйича 7 июндаги судда Сардор Кариев адвокатлари Marion Biotech «бозорни йўқотмаслик учун» таркибида заҳарли моддалар бўлган арзон пропиленгликолдан фойдалангани ҳақидаги ўрганишларини тақдим этди. Болалар ўлимига айнан заҳарли пропиленгликоль сабаб бўлганди. «Газета.uz» репортажи.
Jurabek Laboratories «Док-1 Макс»дан жабрланганларга 75,6 млрд сўм миқдорида маънавий зарарни қоплаб бериш таклифи билан чиқди
Jurabek Laboratories «Док-1 Макс»дан жабрланганларга 75 млрд сўмдан ортиқ маблағни 3 йил ичида тўлаб беришга тайёрлигини билдирди. Бунинг эвазига Фармацевтика тармоқларини ривожлантириш агентлиги собиқ раҳбари Сардор Кариевни озодликка чиқаришни сўрамоқда.
«Док-1 Макс» иши: Апелляция шикоятларини кўриб чиқиш бошланди
Февралда «Док-1 Макс» иши бўйича биринчи инстанция суди тугаб, 23 айбланувчига ҳукм ўқилганди. Ҳукмдан норози етти судланувчи апелляция шикояти киритди. Жиноят ишлари бўйича Тошкент шаҳар судида апелляцияни кўриб чиқиш 15 апрель куни давом эттирилди. Тафсилотлар — «Газета.uz» репортажида.
«Док-1 Макс» иши бўйича якуний суд қарори 26 февралда эълон қилинади
69 нафар боланинг ўлимига сабаб бўлгани айтилган «Док-1 Макс» дори воситаси билан боғлиқ жиноят иши бўйича якуний суд қарори 26 февралда эълон қилинади. Суд 2023 йилнинг августида бошланганди.
Фармагентлик собиқ раҳбари «Док-1 Макс» иши бўйича суддан уни оқлашни сўради
«Док-1 Макс» иши бўйича судда Фармацевтика тармоғини ривожлантириш агентлигининг собиқ раҳбари Сардор Кариев сўнгги нутқ сўзлади. У суддан оқлов ҳукми чиқаришни сўради.
Прокурор «Док-1 Макс» иши бўйича судланаётганларга қандай жазо сўради? Тўлиқ тафсилот
12 февралдаги суд музокарасида прокурор Фармагентликнинг собиқ раҳбари Кариев, унинг икки ўринбосари ва Давлат марказининг бир ходимига нисбатан 18 йил, Quramax Medical директорига 20 йилга озодликдан маҳрум қилиш жазосини сўради. «Газета.uz» барча судланувчиларга сўралган жазони тўлиқ тақдим этади.
«Док-1 Макс» иши: Прокурор Фармацевтика агентлиги собиқ раҳбарига 18 йил, Quramax директорига 20 йил сўради
Прокурор суддан «Док-1 Макс» сиропи иши бўйича Фармацевтика тармоғини ривожлантириш агентлиги собиқ раҳбарини 18 йилга, Quramax компанияси собиқ директорини эса 20 йилга озодликдан маҳрум қилишни, шунингдек, судланувчилардан ҳалок бўлган болалар оилаларига 100 млн сўмдан ундиришни сўради.
«Док-1 Макс» иши бўйича 2−5 февраллардаги суд мажлисларининг тафсилотлари
«Док-1 Макс» иши бўйича 2 февралдаги судда гувоҳлар кўрсатма берган, бир судланувчи терговда ўзи ҳамда шерикларига нисбатан жисмоний ва руҳий босимлар ўтказилгани ҳақида гапирган эди. 5 февралдаги процессда суд тергови якунланиб, музокарага киришилди. «Газета.uz» репортажи.
«Док-1 Макс» иши бўйича 10 январдаги суд тафсилотлари
«Док-1 Макс» иши бўйича 10 январь куни бўлган суд мажлисида аксарият судланувчилар амалдаги тартиб-қоида бўйича дори восита таркибидаги заҳарли моддаларни аниқлаш имкони бўлмаганини таъкидлади. «Газета.uz» суд мажлиси стенограммасини тўлиқ келтиради.
«Биз „Док-1 Макс“ иши бўйича ҳамкорликка тайёрмиз». Болалар омбудсмани — жабрланган ва вафот этган болаларнинг ота-оналарига компенсация тўлаш ҳақида
Болалар омбудсмани Сурайё Раҳмонова «Док-1 Макс» сиропи ишида ота-оналар билан ҳамкорлик қилишга тайёрлигини билдирди. Ундан фойдаланиш оқибатида Ўзбекистонда камида 69 бола ҳалок бўлганди.
«Шунча азоб чекиб, рўйхатда йўқ эканимиз алам қилади» — фарзанди «Док-1 Макс»дан ногирон бўлиб қолган ота-она
Сардобалик 5 ёшли Мансурбек Кемамов «Док-1 Макс»дан заҳарланиб, бир неча ой кўролмай ва юролмай қолган. Боланинг ҳаётини сақлаб қолиш учун ота-онаси бор-будини сотиб, 150 млн сўм қарзга ҳам ботган. Улар Мансурбекнинг «Док-1 Макс» сабаб ногирон бўлиб қолган болалар рўйхатига киритилмаганидан норози.
«Док-1 Макс» иши бўйича суд: Сардор Кариев терговда унга руҳий ва жисмоний тазйиқ ўтказилганини айтди
Фармацевтика агентлиги собиқ раҳбари Сардор Кариев «Док-1 Макс» иши бўйича терговда унга тазйиқ ўтказилганини билдирди.
«Док-1 Макс» иши: Вафот этган болалар сони 69 нафарга етди
Тошкент шаҳри судида бир ойлик танаффусдан сўнг «Док-1 Макс» иши бўйича суд қайта бошланди. Унда Ҳиндистоннинг Marion Biotech компанияси дорилари истеъмоли оқибатида 18 бола ногиронлик орттириб олгани, заҳарланиш сабаб яна 3 бола вафот этгани маълум қилинди. Судланувчилар икки нафарга кўпайди.
«Док-1 Макс» иши бўйича 2023 йилдаги сўнгги суд мажлислари тафсилотлари
«Док-1 Макс» иши бўйича 22 ноябрдаги судда Фарагентликнинг судланаётган собиқ раҳбари Сардор Кариевнинг адвокатлари яна айрим шахсларга нисбатан айблов эълон қилинишини илтимос қилганди. Иш бўйича 2023 йилдаги сўнгги — 1 декабрда бўлган судда бу илтимослар қаноатлантирилди. «Газета.uz» репортажи.
«Илтимос, гапиринг — бу ерда инсон тақдири ҳал бўляпти». «Док-1 Макс» иши бўйича 20 ноябрдаги суд тафсилотлари
«Докс-1 Макс» иши бўйича 20 ноябрь куни бўлиб ўтган суд мажлисида жиноят иши қўзғатилганидан сўнг дори экспертизаси жараёнларида қатнашган икки эксперт кўрсатма берди. «Газета.uz» жараён тафсилотларини баён қилади.
Энг кўп ўқилган хабарлар | Сўнгги янгиликлар
- Журналист Анора Содиқова блогер Мирсаид Ҳайдаровни судга берди
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Қурилиш вазирлиги «халқ томонидан тан олиниб келинаётган» УЖМШлар ишига аралашганлик учун жавобгарлик билан таҳдид қилди
- Ўзбекистонда метан заправкаларга газ етказиб бериш вақтинча чекланди
- Зеленский АҚШ билан фойдали қазилмалар бўйича шартнома имзолашдан бош тортди — WP
Қўшимча имкониятлардан фойдаланиш учун сайтда рўйхатдан ўтинг